Models da brevs
Sche il fim passiv entra en l’ atgna abitaziun, èsi raschunaivel da proceder pass per pass – da la communicaziun directa fin al sustegn giuridic.
Cun nossas indicaziuns e cun noss documents da brev pudais Vus As preparar cun cleras finamiras per la correspundenza cun las vischinas ed ils vischins, cun l’administraziun da la chasa e cun la federaziun da las locatarias e dals locataris.
Discurs cun ils vischins
Avant che prender en consideraziun ulteriurs pass, tschertgaiil discurs persunal cun ils vischins che fiman.
- Descrivai la situaziun en moda objectiva, dumandai da prender resguard curtaschaivlamain ed As mussai avert per soluziuns.
- Essas Vus malsegirs co che Vus duais concepir in tal discurs? Qua chattais tips concrets da communicaziun.
Contactar ils vischins en scrit
Sch’il discurs na porta nagina meglieraziun: Scrivai ina curta brev.
- Explitgai il problem e las consequenzas.
- Signalisai la prontezza per in discurs, dentant er che Vus ponderais ulteriurs pass, sch’i na sa mida nagut.
Infurmar l’administraziun da la chasa
Sche la situaziun n’è betg anc sa meglierada, pudais Vus As drizzar a l’administraziun da la chasa.
- L’administraziun po examinar eventualas soluziuns (mesiras architectonicas, sensibilisaziun dals vischins).
Sustegn tras l’associaziun da locatarias e locataris
Sche l’administraziun na reagescha betg u na prenda betg mesiras suffizientas: As drizzai a l’associaziun da las locatarias e dals locataris.
- L’associaziun po cussegliar giuridicamain, proponer ulteriurs pass (p.ex. admoniziun, reducziun dal tschains da locaziun) e sustegnair Vus tar la realisaziun da Voss dretgs.
